Форуми во заедницата

Sesioni i Gjashtë në Gostivar

e mërkurë , 03 mars 2010

Rreth 80 banorë të Gostivarit morën pjesë në Sesionin e Gjashtë të Forumit, që në suazat e Programit “Forume në bashkësi” u mbajt më 25 shkurt në restorantin “Dede Beg” në këtë komunë. Sesioni i shqyrtoi përsëri katër propozim projektet të cilat Forumi i miratoi sesionin e kaluar. U prezantua propozim projekti për rikonstruksionin e brendshëm dhe pajisjen e kopshtit “Cvetovi” (“Lule”) dhe rregullimi dhe pajisja e oborrit të kopshtit “Prolet” (“Pranvera”), ku u fol edhe për qëndrueshmërinë përkatësisht se si do të mbahet ky projekt. Prezantuesit thanë se do të përpiqen të organizojnë aktivitete të cilat do të japin të ardhura – aksione. Për propozim projektin e dytë “Tradita” u parashtrua pyetja se a është i njohur grupi operativ me atë se çfarë lejesh u nevojiten për hapjen e muzeut. Në lidhje me menaxhimin përkatësisht qëndrueshmërinë, prezantuesit thanë se do të kenë vizitorë dhe do të organizojnë manifestime të ndryshme të ardhurat e të cilave do t’i dedikohen muzeut. “Shkollë evropiane” është titulli i propozim projektit me qëllim specifik të zëvendësimit të 93 dritareve, 2 dyerve hyrëse, 18 dyerve të brendshme dhe trarit mbartës në shkollën e mesme teknike. Propozim projekti i katërt “Keji i Vardarit” nënkupton rregullimin e hortikulturës dhe modernizimin e anës së djathtë të rrjedhës së lumit Vardar bë këtë komunë dhe modernizimin dhe rikonstruksionin e anës së majtë të Vardarit. Mbartës i këtij projekti është komuna, kurse partner është Ndërmarrja Publike Komunale. Në fund të sesionit është shpjeguar procedura e votimi dhe ajo çka i pret pjesëmarrësit e këtij Forumi në sesioni e ardhshëm.

 

< I mëparshmi		Tjetri >